Bhagavatam PuRayannooR daSamam kiLippaaTTu^ -- Chapter 5, 6, and 7
ശ്രീമഹാഭാഗവതം ദശമം കേരളഭാഷാഗാനം അദ്ധ്യായം 5 അന്പാടി തന്നിലന്നു നന്ദ - ഗോപനും മറ്റു ദന്പതീജനങ്ങളും രോഹിണീ - ദേവിതാനും പെറ്റിതു യശോദയെന്നാരുമേയറിഞ്ഞീല കുറ്റമ , ല്ലവൾതന്നേ ചെറ്ററിഞ്ഞതേയുള്ളൂ . പിറ്റന്നാൾ പുലർകാലേ ബാലക - ശബ്ദം കേട്ടു തെറ്റെന്നു നന്ദ - ഗോപൻ ചെന്നങ്ങു നോക്കുന്നേരം കോമളനായിട്ടൊരു പുത്രനെക്കണ്ടമൂലം ആമോദം ഉണ്ടായതും എന്തു ഞാൻ പറയുന്നു ! നന്ദന - മുഖം കണ്ടു നന്ദനും സ്നാനം ചെയ് തു നന്ദിച്ചു വിപ്രന്മാർക്കു ദാനവും തുടങ്ങിനാൻ . 10 ശിൽപ്പമായലങ്കരിച്ചുള്ളൊരു പശുക്കളെ വിപ്രന്മാർക്കിരുന്നൂറു സഹസ്രം നൽകീടിനാൻ . പിന്നെയും ഏഴു തില - പർവത - ദാനം ചെയ് തു പൊന്നുകൾ പണങ്ങളും പട്ടുകൾ വസ്ത്രങ്ങളും എന്നിവ തൃപ്തി - വരുവോളവും നൽകീടിനാൻ നന്ദനന്നാശീർവാദം ചെയ് തിതു വിപ്രന്മാരും . ജാത - മോദേന ജാത - കർമ്മവും ച...